Юксьыны

понедельник, 25 января 2016 г.

Кыдзи сёрнитны кагакӧд комиӧн карын

Вит во чӧж нин ми быдтам пиӧс карса олӧмын. И вит во ми сыкӧд сёрнитам комиӧн. Ӧні Егор бура сёрнитӧ кыдзи роч вылын, сідз и комиӧн. Мый ми вӧчам? Ми быдтам кык кывъя кагаӧс.
Исследовательяс шуӧны, мый кык кывйӧ дзоля мортӧс позьӧ быдтыны некымын ногӧн. Быд бать-мам асьныс бӧрйӧны, кыдзи налы бурджык. 

Позьӧ босьтны правило - "Ӧти родитель - ӧти кыв". Шуам, батьыс роч, мамыс коми. Семьяын - ас котыр пытшкын - кагакӧд батьыс кутас сёрнитны рочӧн, мамыс комиӧн. Ичӧтик морт зэв ӧдӥӧ велалӧ кык кыв дорӧ да оз сорав, кодкӧд кутшӧм кыв вылын сёрнитны. Тайӧ правилӧ серти позьӧ сёрнитны и коми семьялы, окота кӧ водзджык кагасӧ велӧдны роч кывйӧ. Сӧмын бать-мамлы ковмас зэв топыда видзӧдны, медым не сорасьны да пыр сёрнитны сійӧ кывнас, кодӧн шуӧма.
Эм мӧд туй - "Ӧти места - ӧти кыв". Шуам, гортын сёрнитам коми кыв вылын, а ывлаын, магазинын, поликлиникаын сёрнитам рочӧн. Тадзи позьӧ вӧчны ичӧтдырсянь нин, и кага тшӧтш зэв ӧдйӧ велалӧ кык кывйӧ. Менам чайтӧм серти, тайӧ правилоыс ёнджыка кажитчас налы, коді яндысьӧ карса уличъяс вылын коми кывйысь.
Ми мунім коймӧд туй кузя. Кагакӧд ми сёрнитам сӧмын коми кыв вылын. Кӧть кӧні и кӧть кор - садикын, автобусын, поликиникаын, магазинын - пыр коми кыв. Рочасьыштны вермам сӧмын сэк, кор миянкӧд сёрнитӧ роч морт - сэки вуджам роч кыв вылӧ. Роч кывйӧ Егор велаліс садикын. Дерт, медводдза восӧ сьӧкыдджыка сёрнитіс рочнад, а ӧні зэв нин бура артмӧ. Ӧтырышъя нин вермӧ кык кыв вылын сёрнтны, шуам, садикын миянлы мыйкӧ висьталӧ комиӧн и дзик пыр жӧ рочӧн заводитӧ висьтавны мыйкӧ другыслы. Сідзкӧ, кага бура тӧдӧ, кор да кодкӧд кутшӧм кыв вылын сёрнитны. 
Збыль кӧ шуны, тайӧ зэв кокни - сёрнитны кагакӧд коми кыв вылын карын. Но бать-мам мыйлакӧ полӧны. Энӧ полӧй, сёрнитӧй челядькӧд коми кывйӧн, и ті тӧдлытӧг быдтанныд кык кывъя кагаӧс!
Но и бӧръякыв тіянлы думыштны со мый вылын. Кор миян чужис ныв, Егор юаліс: А кутшӧм кыв вылын кутас сёрнитны Рита? И ачыс вочавидзис - кутам кӧ сыкӧд сёрнитны комиӧн, Рита тшӧтш кутас сёрнитны комиӧн...




5 комментариев:

  1. Зачем мне твиттеры да фэйсбуки всякие? Нельзя в вк поделиться сразу? Посмотри в настройках. И жду перевод! П.с.: да, вредной ме нывка.

    ОтветитьУдалить
    Ответы
    1. Обязательно разберусь с настройками))а когда я это сделаю, тогда буду писать и на русском. Как говорится, не все сразу))) и посоветуй платформу для русского блога!

      Удалить
    2. Не, рочӧн унаӧн гижӧны, эн вудж, лучше сійӧ кадсӧ сет коми кывйыслы.

      Удалить
    3. Нет, в ВК не делится, только ссылку скопировать и так вставить на стенку.

      Удалить