Юксьыны

пятница, 9 декабря 2016 г.

"Коми блогйысь" конкурс бӧрын

Помасис "Коми блогйысь" конкурс, воторникӧ нимӧдісны вермысьясӧс. Веськаліс вермысьяс лыдӧ и менам блог, кыдзи медмича коми блог!
Козинъяс
Збыльвылас, ме пырӧдчи тайӧ конкурсас сӧмын лыд ради - вермыны эг чайт, сы вӧсна мый уна блогер - сідз шусяна профессиональнӧй гижысьяс. Тайӧ Алена Тувсовъя, Скӧрӧдумса Ната, Тусь (Женя Лобанова) да мукӧд. Найӧ семинаръяс вылын велӧдчӧны гижны висьтъяс, вӧдитчыны кывйыскӧд, кытчӧ нин меным накӧд вермасьны? Дерт, налӧн и лои медбур гижӧдъясыс. Но ме ачым унаысь нуӧдлі конкурс удж вылын, и тӧда, мый кымын унджык пырӧдчысь конкурсас, сымын и бурджык ставныслы. Организаторъяслы бур, сы вӧсна мый петкӧдлӧ вермасьӧмыслысь коланлунсӧ; аслыныс участникъяслы - кыпӧдӧ налысь гижӧм уровеньсӧ, ӧд быдӧн аддзӧ, коді кутшӧм гижӧд пуктіс блогас, да быдӧнлы окота гижны нӧшта на бурджыкӧс.
Конкурсын вермысьяс Ната да Алена Тувсовъя
Мый эськӧ меным сетіс тайӧ конкурсыс?

вторник, 6 декабря 2016 г.

Ёг йылысь

Уна кад нин лыддя интернет пыр Питерын ёг торъя бакъясӧ шыблалӧм йылысь. Кӧнкӧ пыдын ышловзьыла, мый миян Сыктывкарын сэтшӧмыс абу, да бара водзӧ. А чукӧртӧны сэні унатор - и пластик, и стеклӧ, и пленка, шинаяс - ставсӧ дыр лоӧ лыддьӧдлыны. Овлӧ, гижа Питерын олысь чойлы - мун да ну ассьыд ёгтӧ налы, видз миянлысь мунымӧс. Сійӧ сӧмын шеныштӧ кинас ме вылӧ. Но и миян карын позьӧ ӧттор-мӧдтор сетны мӧдысь вӧчӧм (повторнӧй переработка) вылӧ.

пятница, 2 декабря 2016 г.

Кыдзи кагаӧс позьӧ велӧдны коми кывйӧ?

Уна бать-мам пузчужӧм дзолюкъяскӧд сёрнитӧны комиӧн. Но воӧ кад, кагук быдмыштӧ да мунӧ роч садйӧ. Унджыкыслӧн та вылын помасьӧ коми кывъя сёрниыс - кага рочмӧ. Неважӧн на ӧти мам меным висьталіс, дзикӧдз пӧ рочмис менам пи, кӧть и бать-мамыс коми. Батьыс пӧ шуӧ - он кӧ комиӧн сёрнит, ме тэнӧ ог гӧгӧрово! А кага век ӧтарӧ рочасьӧ. Кыдз нӧ эськӧ позьӧ коми кывсӧ видзны? 
Дерт, лыддьысьны коми кыв вылын. Эм зэв уна коми мойдъяс, эм небӧгъяс, кӧні мойдсӧ гижӧма и роч, и коми кыв вылын. Татшӧм небӧгсӧ позьӧ лыддьыны медводз комиӧн, сэсся рочӧн - либӧ мӧдарӧ, медым кага гӧгӧрвоас ставсӧ, мый гижӧма. Ас кадӧ ми вӧлам юасям Ёгор пилысь, кутшӧм кыв вылын талун лыддям мойд? Збыль кӧ шуны, мукӧд кывсӧ ме и ачым ог гӧгӧрво вӧлі, видзӧдла роч вариантсӧ, гӧгӧрвоа да сэсся висьтала кагалы.

воскресенье, 27 ноября 2016 г.

Роч али коми?

Кор ме вӧлі зэв на том, кагатӧм ни верӧстӧм, муккӧддырйи вӧлі думыштча - а кутшӧм кывъя быдмасны менам челядь? Роч? Коми? А мыйла роч, ме кӧ ачым коми? И кыдзи менам роч челядь кутасны сёрнитны ыджыд бать-мамыскӧд? Тані менам юрын век петкӧдчыліс кутшӧмкӧ серампетана картина, да аслам думъясӧй тайӧ тема вылас век помасьлісны ӧткодя - "навернӧ, кута комиӧн сёрнитны". Менам ӧні быдмӧны коми кывъя челядь, но зэв уна тӧдсалӧн челядьыс сёрнитӧны рочӧн.
Дерт, быд бать-мам асьныс тӧдӧны, кыдзи налы бурджык быдтыны челядьӧс. И кутшӧм кывъяӧн - тшӧтш. Кодкӧ жалитӧ, мый эз артмы быдтыны кык кывъя челядьӧс, мый оз сёрнит сылӧн кагаыс комиӧн. Но ставныс вӧчисны сідз, кыдзи налы бурджык ли кокни.
Ме юалі налысь, мыйла тадзи артмис?

пятница, 4 ноября 2016 г.

8 места, кытчӧ позьӧ ветлыны челядькӧд ноябр тӧлысьын.

Менам эм ӧти зэв ыджыд проблема  - ме некор ог вермы запомнитны, кӧні мый мунӧ, кутшӧм спектакль-концерт. Но, шуанныд, аддзис тай мытшӧд, гиж бумаг вылӧ дай всё. Да бумагыс менам век вошӧ, блокнот век кӧнкӧ абу син улын. Та вӧсна тӧрыт пукышті интернетын, чукӧрті быдсяма юӧр да сюйи телепонӧ календарӧ, кӧні мый да кор кутас мунны. А сэсся и татчӧ гижа.
Внимание! Пӧшти ставыс нуӧдсьӧ челядьлы, шойччан лунъясӧ!

четверг, 3 ноября 2016 г.

Йирым тӧлысь - октябр. Шоныд войтъяс.

Октябр помасис, а ме пасйышта, кыдзи сійӧ коли.
Тӧлысь заводитчигас верӧс муніс экспедицияӧ чукӧртны фольклор, а ми челядькӧд, дыр думайттӧг, журнитім Висер вожӧ, челядьлӧн ыджыд мам да ыджыд батьыс ордӧ. Шойччим, лолалім чӧскыд сынӧднас, чукӧртім бӧръя тусь черноплодкалысь. Ыджыд мамыс косьтіс тусьсӧ, а сэсся кутам юны чӧскыд чай кузь тӧвся рытъясӧ.
Ӧктім чӧскыд тусь

воскресенье, 30 октября 2016 г.

Телевизор-интернеттӧг олӧм - гажтӧм али абу?

Вежон сайын Ёгор пилы вӧзйи - а вай вӧчам телевизортӧм лун. Лунтыр огӧ видзӧдӧй телевизор. Егорлы тайӧ кажитчис, сӧмын содтіс, мый сійӧ кӧ лунтыр кежлӧ кольӧ мультикъястӧг, то и меным оз позь пыравны интернетӧ, лыддьыны смартфон. А пыралӧмсьыд пӧ мынтан меным штрап - 100 шайт! Сӧмын пӧ середа да вӧскресенньӧ кутам видзӧдны.

воскресенье, 23 октября 2016 г.

Миян медводдза коми мультфильм

Во заводитчигас гижлі нин, мый ми вӧчам коми мультфильм. Дыркодь вӧчим, 10 тӧлысь чӧж, но артмис жӧ. Заводитчис ставыс "Кыдзи кӧин лои понмӧн" мойд гижӧмсянь. Верӧс да пи вӧчисны ичӧтик небӧг, а сэсся миян тайӧ мойдыс мультфильмӧдз воис.

воскресенье, 9 октября 2016 г.

Мыйла бур блогйысьны комиӧн?

Этшаӧн блогъяс нуӧдӧны коми кыв вылын. Талун ми бурджык лыддям роч блогъяс - сідз жӧ гӧгӧрвоам. Да и гижны блогеръяслы окота сідз, медым унджыкӧн вермасны тӧдмасьны гижӧдкӧд. А коді рунетын лыддьысьӧ? Дерт, роч лыддьысьыс. Но ме ӧні кӧсъя висьтавны сы йылысь, мыйла бур блогйысьны комиӧн. Кӧть и ог на важӧн нуӧд блог, но мыйкӧ казялі нин.

суббота, 8 октября 2016 г.

Кӧч тӧлысь - сентябр. Шоныд войтъяс

Ывла вылын октябр, а ме гижышта сы йылысь, кыдзи коли миян кӧч тӧлысь.
Сентябр 8-ӧд лунӧ Егорлы тыри 6 арӧс. Во быд виччысис да коркӧ лоис жӧ квайт арӧсыд. Ӧні сэсся юасьӧ, кор сылы тырас сизимыс.

пятница, 7 октября 2016 г.

Ворсыштам медся ичӧтикъяскӧд

Талун ме вӧзъя ворсыштны. Менам медводдза кага чужигкежлӧ юрын абу нин кольӧма вӧлі ни ӧти ворсӧм, мыйысь позис ворсны дзолюкъяскӧд. Та пыдди тӧда вӧлі уна роч ворсӧм гырысьджык челядькӧд, вожатӧйӧн уджавлі да быдторйӧ велавлі.
А кор чужи Егор, ковмис выльпӧв казьтыштны лелькуйтчан ворсӧмъяс. Гашкӧ, эмӧсь жӧ ме кодь том мамъяс, кодъяс оз тӧдны татшӧм ворсӧмъяс?

вторник, 27 сентября 2016 г.

Вуджӧдны блог

Меным окота вӧчны блог, кодӧс окотапырысь кутас лыддьыны уна йӧз. Та вӧсна заводиті содтавны ӧттор-мӧдтор, медым блогӧс мичмӧдны. Казялі, мый позьӧ сувтӧдны вуджӧдчан функция - медым гижӧдсӧ вуджӧдны мӧд кыв вылӧ. Дерт, ме зэв ӧдйӧ видлі пуктыны вуджӧдчысьсӧ аслам блогӧ.

понедельник, 26 сентября 2016 г.

Кнопкаяс юксьыны!

Коркӧ тулыснас пӧдруга гижис меным, мый менсьым блог лыддигӧн сылы окота юксьыны гижӧднас Вконтакте-ын. Но абу пӧ окота копируйтны ссылкасӧ, сэсся пырны Вконтакте-ас, сэсся ссылкасӧ сэні гижны. Вель дыр пӧ тайӧ вӧчсьӧ, а меным пӧ окота ӧти кликӧн юксьыны. Вель дыр сэки корсьыси, кыдзи тайӧс вӧчны. А талун артмис!

суббота, 16 апреля 2016 г.

Коми местаяс Сыктывкарын

Карын уна коми мам-батьлӧн быдмӧны роч кывъя кага. Менам тӧдсаяс шуӧны, мый тадзи, чужӧмсяньыс роч кывйӧн сёрнитігӧн найӧ дасьтӧны ичӧт мортӧс садик кежлӧ, кӧні став челядьыс роч. Ме зэв бура гӧгӧрвоа - быд бать-мамлы окота, медым кагаыс кокниа велаліс садйӧ, выль челядь дорӧ. И чайтсьӧ, мый роч кыв вермас талы сетны унджык позянлун. Та вӧсна весиг сиктын, пӧль-пӧч, ыджыд мам-бать ордын гӧститігӧн пыр тшӧкыдджыка кылан роч сёрни карса ичӧт челядьсянь.

понедельник, 25 января 2016 г.

Кыдзи сёрнитны кагакӧд комиӧн карын

Вит во чӧж нин ми быдтам пиӧс карса олӧмын. И вит во ми сыкӧд сёрнитам комиӧн. Ӧні Егор бура сёрнитӧ кыдзи роч вылын, сідз и комиӧн. Мый ми вӧчам? Ми быдтам кык кывъя кагаӧс.
Исследовательяс шуӧны, мый кык кывйӧ дзоля мортӧс позьӧ быдтыны некымын ногӧн. Быд бать-мам асьныс бӧрйӧны, кыдзи налы бурджык. 

воскресенье, 24 января 2016 г.

Кӧдзыд пӧльлӧн чужанінас. 2 юкӧн

 Югдін - рочӧн кӧ, Великий Устюг - важся кар. Меным кажитчис, мый эм ӧткодьлун Сыктывкаркӧд. Кыдзи и миян карын, Югдінын эм важся кар - купечъяслӧн керкаяс, вузасян лавкаяс, сулалӧ ю бокын. Берег пӧлӧныс зэв уна вичко, помся, вичко бӧрся вичкӧ сулалӧ. Аминь мича!

четверг, 7 января 2016 г.

Мультфильм


Некымын лун нин уджалам выль проект вылын - вӧчам коми мультик. Заводитчис ставыс сысянь, мый Егор юаліс, а мыйла став мультикыс роч кыв вылы, и ни ӧти абу коми кыв вылын? Абу кӧ - сідзкӧ позьӧ и колӧ вӧчны аслыным. Видзӧді велӧдан курс "Универсариум" проектын и босьтчим вӧчны.