Юксьыны

среда, 16 декабря 2015 г.

Кӧдзыд пӧльлӧн чужанінас. 1 юкӧн

Ӧти рыт батя-пиа садикысь локтӧм бӧрын пыригмоз, порогсӧ весиг эз на удитны  вуджны, меным шуисны - ми кӧсъям Кӧдзыд пӧль ордӧ ветлыны гӧститны, Югдінӧ! Но мися, зэв тай бур. Сэсся мӧд луннас пуксим верӧскӧд ноутбук сайӧ, пырим интернетӧ да вель ӧдйӧ корсим гостиница (комиӧн пӧ гӧстиница - тадзи шуис Егорка) и поезд вылӧ билетъяс. И со ми пукалам нин поездын, мунам Кӧдзыд пӧль дорӧ!

пятница, 11 декабря 2015 г.

Кысям

Миян киӧ сюрины резинкаяс, кодъясысь позьӧ кыны браслет. Медводдзаысь аддзи татшӧм чудосӧ тӧлысь сайын аслам племянниклысь,  ыджыд мамыс дорӧ вӧлі вайӧма. И со и миян Ёгорлы вичмисны резинкаясыд. Ни ме, ни сійӧ, дерт огӧ кужӧ вӧлі кыны наысь браслетъястӧ, но ӧні ӧд эм интернет, кытысь позьӧ аддзыны быдсямасӧ, мыйсӧ сӧмын он думышт.

воскресенье, 29 ноября 2015 г.

Фотосессия

Колян вежон ветлім челядькӧд выль вося фотосессия вылӧ. Таӧдз интернетысь видзӧдалі донъяс да сӧмын шензи на вылӧ. 2000 колӧ мынтыны да босьтан сэсся 100 ӧткодь фото, вежсьӧ сӧмын нюм да поза.  Да и мудзасны челядьыд. А мича фотография окота, челядьыд ӧдйӧ быдмӧны да паметь вылӧ мед вӧлі. 
Вконтакте-ын шӧйтігӧн аддзи юӧр, мый Сыктывкарса том йӧзлӧн шӧринын эм фотоклуб, кытчӧ волӧны студентъяс велӧдчыны мича снимайтны, и налы колӧны модельяс. Некутшӧм дон босьттӧг дасьӧсь нуӧдны фотосессия и сетны фотоястӧ. Сӧмын колӧ гӧгӧрвоны, мый найӧ абу на профессиональнӧй фотографъяс. 
А ми ветлім сідз шусяна рекламнӧй фотосессия вылӧ. Снимайтіс миянӧс Лариса Забоева - фотоклубыслӧн веськӧдлысьыс. Мынтім 400 шайт сӧмын. Артмисны лӧсьыд мича фото, челядь позируйтісны сӧмын 15 минут, да эз удитны мудзны. 

четверг, 12 ноября 2015 г.

Миян королевство


Шойччан лунъясӧ ветлім Маршак нима челядь библиотекаӧ, босьтім Егорлы книга лыддьыны. Аминь тай радейтӧ кывзыны водӧм водзас мойдъястӧ. Книгаыс шусьӧ "Недотепское королевство", гижӧма Лев Устинов.

Выль компьютер


Ёгорлӧн чужи мӧвп - вӧчны кӧмкот кӧрӧбысь компьютер. Шуӧ меным - тэ пӧ вӧч клавиатурасӧ, а ачыс экран лӧсьӧдны босьтчис. 

понедельник, 9 ноября 2015 г.

Мый позьӧ аддзыны "Бикиньысь"?

Тӧрыт вой воис юрӧ мӧвп - вӧчны ассьым блог. Но воис кӧ - быть вӧч, некытчӧ он воштысь...
Талун садикын, кытчӧ ветлӧ Ёгор пи, челядь кутасны петкӧдлыны спектакль, "Кошкин дом". Пи ворсӧ чипанӧс, да колӧ вӧлі вӧчны чипан маска. Маскатӧ эськӧ вӧчим, но та вылӧ зэв дыр корсим "Бикинь" журналысь чипанӧс, кыдзи кӧть сійӧс серпасавны. Чипан эз сюр, но сюри со мый -